日本用咩車做的士? 係豐田新一代JPN Taxi面世之前, 咪同香港一樣係豐田Crown Comfort囉! 點止呀? 唔止有日產Crew同Cedric, 仲有D比較豪華既的士, 連大皇冠、大凌都有添呀!

Yeee… 睇真D… 呢架好似係Mark II來喎! 一定係非一般的士啦!

再睇真D… 唔止架車有D唔對路, 呢位肥肥地既的哥好面善喎! 嘩… 原來佢係星級飄移車手熊久保信重呀! 仲唔即刻遞手?? 的士呀的士!! 貓貓要坐Kuma San既飄移的士呀!!


Kuma San呢架飄移的士, 係一架接近原裝既豐田Mark II JZX110, 前座兩張賽車桶椅就梗係唔少得啦, 連後座都裝咗兩張賽車桶椅, 每枝旗可以接載三名乘客。 除此之外, 由外觀至引擎艙內都相當原裝, 驟眼睇會以為真係一架的士。

各位坐穩… 等貓貓帶大家睇吓Kuma San手車勁D, 定係先排係香港公路上表演飄移(救車)個位紅跑車手勁D啦!

Team Orange首席車手熊久保信重, 今次將呢一架飄移的士帶到來泰國, 作為曼谷車展既特別表演嘉賓。 呢位來自福島縣既飄移高手, 四出表演既其中一個目的, 就係為家鄉福島縣旅遊業宣傳, 希望藉此重振經濟。