香港代理現正邀請豐田水貨車車主到豐田維修中心,作免費查詢安全召回事宜,更新閣下的汽車資料,同時也方便日後作出安全召回安排。

最重要係做足安全召回
好像早前有關全球高田(Takata)氣袋的問題,都可以盡快安排回廠更換,並免費贈送安全檢查服務,讓豐田車主享受大廠的安心。
當然部車滿了七年,你都可以試用政府驗車前免費服務,之後整或不整,都由你自己話事,真係買個安心。
貓貓提你,你亦可以到以下鏈結登記: http://m.crown-motors.com/tch/recall/index.aspx

溫馨提示:
大家可在上述網址填寫好資料,再加埋牌薄,要有埋底盤號碼先至加快搜索身世。只要做咗一次,豐田代理有咗你座駕資料,將來出售,對下手用家都更有保障。


其實大家買部水車都唔知前手係乜公司乜人,經過幾多手,有無做過原廠service。日本人當然都有人唔返廠,去咗車房做service,所以皇冠要pass部車的底盤資料去TMC,再尋找日本全國的位置,尋找是那間中心,那個年份,有沒有做service,做幾多次等等,等同去日本搵仔身世無分別,雖然有電腦,但係全日本超過百萬車,係花點精力,以及日本人出名細緻,真係慢慢搞。大家唔好心急,check咗資料出來,或者佢身世會嚇到你。

下次,買原廠車的話,易手都唔怕,除非代理唔入果隻款。買水貨車,你要承受到欠缺安全召回風險至得。