面對過去幾年其他豪華小型 SUV 嘅相繼改款之後,一直呆等嘅凌志 NX 終於都加入呢個更新改款遊戲,全新2022新車,造型比上一代更加流線型,配備 LED 頭燈及更具侵略性嘅外觀。

儘管 NX 與豐田 RAV4 共享底盤及傳動系統,不過NX呢次改款嘅設計,就更傾向於同門 UX嘅跨界SUV味道,面對競爭對手奧迪 Q3、寶馬 X1 及平治 GLA,明顯比上代車型更具威脅性。