萬事得第一款全電動車 MX-30 設計師竹內富子,同時亦係廠方最受尊敬試車手之一。


原來竹內富子(Tomiko Takeuchi)自細已鍾意車,原因係細細個跟父親搭飛機,由感受到起飛前在跑道加速嘅G force嗰一刻起,就對有速度嘅交通工具著迷,亦因為愛上車,入埋九州工業大學(Kyusu Institue of Technology),而進入萬事得嘅首個工作位置係電子技術部門。

呢位女設計師仲有一項有趣嘅工作經驗,就係做埋萬事得嘅新車試車手,佢話在世界各地嘅試車經驗,令佢更加認識汽車。佢仲好自豪咁表示,由最初E級試車手做起,到依家已晉升為A+級試車手。